【反送中】消防員畫畫為年青人打氣　寄語珍惜生命：唔會畀佢哋單獨面對

就近日「反送中」事件，有港人對政府及社會感到失望，情緒受影響，甚至有部份人有輕生念頭。一名消防員雖不能現真身發聲，但就親手繪畫了兩幅作品為示威者打氣，並告訴年青人「唔好睇唔開，我哋一定會捉實、扶助佢」，感動不少網民。

Cuson Lo是香港知名政治漫畫家，昨日他在Facebook專頁「怪叔叔の散步道」發帖，指有一名消防員讀者希望Cuson為他道出自己心聲，並代他畫一幅畫為年青人打氣。

該名消防員透過Instagram訊息聯絡他，當中提到自己畫了2幅畫，希望Cuson可以個人風格改畫，幫一群無法發聲的消防員為市民打氣。消防員提到：

我哋最唔想發生嘅事發生咗，我唔希望再有。肯行前嘅學生比我哋嘅朋友、政府更珍惜生命。請你代我多謝佢哋，支持佢哋。

▲ 消防員張開雙臂阻止示威者輕生。（圖片來源：怪叔叔の散步道 Facebook）

他附上2幅自己繪畫的作品，畫中的消防員舉起雙臂，阻止一名身穿黃雨衣的示威者。另一幅畫中，消防員抱緊示威者，似乎是在安撫他。

叫佢哋唔好睇唔開，我哋一定會捉實、扶助佢，唔會畀佢哋單獨一個面對。

▲ 網民認為消防員的畫作的確起了鼓勵作用。（圖片來源：怪叔叔の散步道 Facebook）

雖然該名消防員希望Cuson為他修改畫作並宣揚出去，但Cuson最後指出「我覺得唔需要了，因為佢已畫得好好」，直接將對話截圖放上Facebook專頁。

帖文至今已吸引11萬人讚好，2千多次分享。不少網民留言感謝消防員的無私奉獻，亦有人認為消防員同救護員是真正守護香港人生命的一群人。

有部份網民認為該名消防員的畫作很美，「睇出畫者嗰份心意」、「唔需要美化，無野比真摯更動人」、「呢張圖比到我地好大支持、鼓勵同溫暖」。